Rush na naman!

Hay ang hirap talaga ng nagru-rush palagi! Hmmp... Last week nga ay nag-uumpisa nang magsipagdatingan ang mga tourist dito sa Cemaes bay. At siyempre pa, dahil nga sa iniwanan ko na ang aking unang work sa hotel, tinaggap ko na rin ang maging alipin ng Beach House. Hindi nman kahirapan ang trabaho dun. Kung tutuusin eh Beach House Manager ako hehe.. Kasi nga ako ang mamamahala sa beach house dahil ang talagang may-ari eh sa kung saang lupalop ng United Kingdom nakatira. At dahil ako ang manager, trabaho ko na hawakan ang susi ng mga ito at icheck kung ano-ano ang mga magiging problema. Magsindi ng heater bago dumating ang mga bakasyunista at magpagpag ng mga alikabok sa ibabaw ng lamesa at iba pang kasangkapan. Trabaho ko rin na alisin ang gma nalagas na buhok ng kung sino man ang huling guests na dumating. Boring ano? Pero iniisip ko na lang sa bawat alikabok at buhok na maalis ko meron 15 pounds na naghihintay sa table. Ang paglilinis ko nman eh depende. Pag malinis, leave as it is eka nga. tapos ibubulsa ko na ang 15 pounds sabay daan sa shop para bumili ng sausage roll. No sweat! 15 pounds in 15 minutes hehe

 

Actually kagagaling ko lang sa dalawang beach house ngaun para icheck kung malinis at dun sa isa nman eh para i-on ang mga heater na itinawag sa akin kanina. Yes na nga lang ako ng yes eh kasi ang daming bilin ni kumareng Sue. Tapos eto balik na ako ulit dito sa aming munting tahanan para nman magmadali sa pag-eempake at pamamalantsa ng damit na dadalhin namin papuntang London.

 

Sa totoo lang hindi ako nag-eenjoy sa get-away na hindi ako na-relax. Jusme! Minsan naisip ko mahirap pala ang may-asawa. Kasi nga dahil ikaw ay desperate housewife kelangan lahat ng trabahong bahay gawin mo. Linis, laba, luto, plantsa, tupi huaaaa!! nakakabaliw pala ito? Ayoko na tuloy isipin na sa isang araw eh 1 year na pala kaming married. At kaya kami pupunta ng London eh para i-celebrate ito. Wish ko lang eh mapuntahan namin ang lahat ng lugar na gusto ko mapuntahan sa London no! Ang mahal kaya ng train ticket at hotel. Tapos eto ako nagrurush para gumayak at maglinis ng bahay bago umalis samantalang si Jamie ko eh nakasalampak sa sofa at nanonood ng football! Shocks! Di bale, magtatake na lang ako ng maraming pictures. Baka sakaling pag ginawa ko iyon eh mas maging exciting naman kahit sa larawan lang ang aming munting pamamasyal!