New Look

Tama ang nabasa niyo. New look nga ang favorite area ni Jamie. Promise nabaliw-baliw kami kakakalas-kabit ng mga kapirasong kahoy na ito bago nabuo. Isa itong Computer Hide-Away unit na nakuha pa namin sa Great Universal. 3 weeks ang nakaraan bago magdesayd si Jamie na Buuin ito pero ang sama neto kamuntik pang masira dahil pinilit niyang gawing mag-isa. Hindi man lang humingi ng tulong sa akin eh ako nman eh panay lang ang nood ng Love me Again ni Piolo at Angel.

 

Bumaba na nga ako dahil ng marinig ko ang malalakas na kalampag. Nakita ko na nakaupo sia sa isang sulok at stress na stress sa pagkakabit ng mga piraso ng kahoy. Gusto kong matawa kaso baka ibato sa akin yun Philip na hawak-hawak niya hehe. madali pa nman mapikon to pag stress hehe.

 

Dahil nga mapilit ako at to the rescue ang beauty mo eh tinulungan ko na siya at wala na siyang nagawa. Nakipukpok at naki lagay na rin ako ng mga screw. Pero ang pinakamahirap na parte dito ay ang pagkakabit ng cover. Yun dalawang isinasarang pinto sa harapan. Pano ba naman kasi hindi namin malaman kung bakit ung isang bahagi ay mas mababa kesa sa kabila. Ayaw ding sumara? Naloko na! Ito yata ang pinakaunang hide away unit na hindi mo maisara. Kaya kalas na naman kami at pilit na inaalam kung bakit nagkaganun ang resulta.

 

Pok-Pok-Pok! Ayan martilyo dito martilyo doon. Masasabi kong rubbish itong unit na nabili namin dahil sa mga parteng hindi kainaman. Gawa lang ito sa lawanit na tinakpan ng vinyl. So san ka nman dun? kaya pala mura tapos bubuuin mo pa parang puzzle hehe. Pero ayun nga nalaman namin na yun manipis na plywood pala na naikabit namin sa bandang likod nito ang siyang magbabalanse sa pagtayo nito. At kung ikinabit namin ang plywood na yun ng hindi chineck ang pagkakatayo nito eh talaga nga palang hindi sasara ang pinto. At isang rebelasyon nito, ako ang nagpukpok ng plywood sa likod dahil pakialamera ako hehe. kaya inalis at ipinukpok namin pabalik ng matantiya naming balanse na ang dalawang pinto na nakakabit sa harapan. ( Pambihira kasalanan ko pa pala haha) at tsaraaan!! Nagawa na nga.  Mukha namang palang maganda ang kinalabasan. Ang Computer ni Jamie ay hindi na mapupuno ng alikabok at pwedeng maisara kapag kami ay umaalis na parang lalagyanan lang ng damit. O diba? sino bang mag-aakala na computer ang laman niyan? Isa pa kahit mumurahin ang unit mukha na ring mamahalin dahil mukha nman professional ang nakaupo.( Sows! Salamat sa Lasagne kagabi—Siya ang nagluto ng dinner ) Ayan nakasalamin na sia nakita niyo? kasi nga eh mejo nasosobrahan ata sa gamit ng PC kaya sabi ko isuot para hindi na lumala ang sakit nia sa mata. Tingin ko nga kelangan ko na rin ng salamin. Pero naman! Hindi ako magtataka na lahat ng blagista eh nakasalamin pagdating ng ilan pang taon? Agree ba kau? At dahil sa kaadikan sa pagba-blog eh darating ang araw na konti na lamang ang matitirang blagista na may malinaw na mata ( Kinopya ko pa yan sa paghohost ni Korina Sanchez sa RATED K pag nagbibigay siya ng tsinelas sa mga bata haha.. )

 

Bweno, ng matapos ito, ako na rin ang naglagay at nag-instila ng computer ni Jamie pati na ang internet nito. Isipin niyo ang itsura ko na lumusot-tumuwad-humiga para maayos ang mga kable sa likod. Ayaw ko kasi na gulo-gulo ang mga kawad kaya ako na ang nagprisinta. Pag si Jamie ang gumawa niyan malamang na yun mga wire ng mouse at keyboard eh sa harap dumaan. Akala mo mga kawad ng kuryente sa Pinas na kung saan nagsulputan. Whew! Kafagud! Pag mejo umaraw-araw magsemento nman ako ng fireplace namin na nasibak ni Jamie haha..