Bangungot

Hindi ko alam kung ito nga ba ay masasabing bangungot pero kaninang madaling-araw, matapos kong di makayanan ang antok ay nagpasiya na akong maunang matulog kay habibi. Dumating kasi kahapon ang sister nia at ang bf nito para itest-drive ang bagong biling sasakyan at isinabay na rin ang pagpapareformat ng laptop nia kay habibi. Pag ating pinag-usapan ang format eh medyo me katagalan ito. kaya nman dahil sa ako ay pagod sa pagttrabaho sa bahay buong maghapon, go to bed na ang drama ng lola mo.

 

Mag-aala una ng maramdaman ko na pauwi na ang kapatid ni Jamie. Wirral pa ang uwi nito kaya pihadong mahina ang 2 1/2 na biyahe. Not unless patatakbuhin niya ng sobrang tulin ang kanyang sasakyan.

 

Nakatulog ako tapos ng maramdaman ko naako ay nawiwiwi, bumangon ako at dun nakita ko si  habibi nanonood pa ng movie sa salas. tinanong ko kung anong oras ba sia matutulog at ang sabi nia eh sandali na lang daw siya. So balik ako sa pagtulog.

 

Hindi ko alam kong half awake and half sleep ako pero umugong ng napakalakas ang dalawang tenga ko. Malakas na malakas na feeling kko mabibingi ako. Naramdaman ko na nangingilabot ang buong katawan ko. Tapos pinilit ko ibukas ang mga mata ko pero pakiramdam ko meron isang taong nagcocontrol sa akin. Umikot ang mga mata ko na mabilis na mabilis. As is super bilis. Pakiramdam ko nga nagrambulan un lahat ng parte ng ulo ko. Nung hindi ko na makayanan dahil masakit na rin ang ulo ko tapos hindi ako makahinga, pinilit ko tawagin ang pangalan ni habibi. Nasa tabi ko na  siya nun at naramdaman ko pa nga ang paghiga niya sa kama mga ilang minuto lang bago ko naramdaman un nakatutulig tunog sa aking tenga. So ayun, alam ko sa isip ko tinatawag ko ang  pangalan ni habibi. Ibinuka ko ang bibig ko pero walang boses na lumalabas. Iniisip ko parang mamamatay na ako sa oras na yun dahil hindi na talaga ako makahinga. Hindi rin ako makagalaw. Kamay, paa at leeg ko nasa isang posisyon lang habang pilit ko tinatawag ang pangalan ni habibi. nakakakilabot mang isipin pero talagang nararamdaman ko na parang humihiwalay un aking kaluluwa sa aking katawan na pilit ko pinaglalabanan na maibalik. Nakikita ko ang sarili ko sa akinng balintataw kung ano ang nangyayari hanggang sa naisip ko banggitin ang pangalan ni Bro ( Jesus ). Nagdasal talaga ako ng mabilisan. Tapos tinawag ko ulit ang pangalan ni habibi, dun na lumabas ang boses ko. Buti na lang hindi pa tulog na tulog si Habibi. Umiiyak ako at humihingal nun yugyugin nia ang aking mga  balikat.

 

“What’s wrong Edna?".. Sabi ni habibi

 

Nasabi ko na lang na isang masamang panaginip. O matatawag nga bang bangungot? Kung ano man ang tawag dun, ayoko na muling maranasan. Sabi ko tuloy kay Bro, wag niya pa akong kunin kasi bata pa ako. At kung yun nga ay masamang elemento na naninirahan sa bahay na ito, sana naman wag na nila ulit akong gambalain pa dahil wala nman akong nagawang masama. Nakakakilabot kaya tatlong beses akong nagdasal bago muling nakatulog.